ᓯᑉᑎᒻᐱᕆ 10, 2014-ᒥ, ᓄᓇᕕᒻᒥ ᓄᓇᓖᑦ 14 ᖁᕕᐊᓲᑎᖃᓚᐅᔫᑦ ᐃᓪᓗᓕᕆᓂᐅᑉ ᐅᓪᓗᖓᓂ 2014-ᒥ, ᓇᓪᓕᐅᓂᕐᓯᐅᖃᑎᒌᑦᓱᑎᒃ ᑲᑎᑦᓱᑎᒃ ᓇᑯᕐᒦᒍᑎᒋᑦᓱᒋᑦ ᓄᓇᕕᒻᒥ ᐊᓇᕐᕋᕆᔭᐅᔪᑦ, ᐱᕙᓪᓕᑎᒋᐊᕐᓱᒋᑦ ᐃᓪᓗᓂᒃ ᐊᑭᓕᕐᑐᐃᔩᑦ ᐅᐱᒪᓂᖏᑦ ᐊᓇᕐᕋᖃᕐᑎᑕᐅᒍᑎᒥᓂᒃ ᐊᒻᒪᓗ ᑐᓂᕐᕈᓯᒋᐊᕐᓱᑎᒃ ᐃᓘᓐᓈᒍᑦ ᐱᐅᓭᓂᕐᓂᒃ ᓄᓇᕕᒻᒥ ᐃᓅᕕᐅᑦᓱᑎᒃ ᓇᔪᕐᑕᐅᓲᓂᒃ.

ᓴᓪᓗᐃᑦ ᓄᓇᓕᓐᓂ ᓯᕗᓕᕐᑎᖓ ᐸᐅᓗᓯ ᓴᕕᐊᕐᔪᒃ; ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᓄᑦ ᐊᓪᓚᕕᒻᒪᕆᐅᑉ ᑲᑎᒪᔨᖏᓄᑦ ᐃᓚᐅᔪᖅ ᑎᓓᓚ ᐊᒪᕈᐊᓕᒃ; ᐊᒻᒪᓗ ᐊᖓᔪᖅᑳᑉ ᑐᖓᓕ, ᐃᓪᓗᓂᒃ ᐱᕙᓪᓕᐊᑎᑦᓯᕕᖓᓂ Société d’habitation du Québec (SHQ), , ᔮᓐ-ᕗᔮᓐᓱᐊ ᐊᕐᑑ, ᐃᓘᓐᓇᑎᒃ ᐁᓯᒪᓚᐅᔫᑦ ᑕᕝᕙᓂ ᐱᖓᔪᐊᓐᓂ ᐃᓪᓗᓕᕆᓂᕐᓄᑦ ᐅᓪᓘᑉ ᑐᓴᕐᑎᓯᒋᐊᕐᑐᓱᑎᒃ ᓴᐳᑦᔨᓂᕐᒥᓂᒃ ᑖᑦᓱᒥᖓ ᐅᓪᓗᒥᒃ ᐊᒻᒪᓗ ᐱᕙᓪᓕᐊᓂᖅ ᐱᓇᓱᒐᕐᒥᒃ.

2014-ᒥ ᓵᓚᖃᕐᓂᒪᖔᑕ ᓇᓇᐃᒃᑯᑕᐃᑦ

ᐊᑯᓕᕕᒃ

ᐊᑯᓕᕕᒃ ᓄᓇᓖᑦ ᑲᑎᒪᕕᖓ ᐱᔭᕇᕐᓯᒪᑦᓯᐊᓕᓚᐅᔫᖅ ᑐᖕᖓᓱᑦᑎᓯᕕᐅᑦᓱᓂ ᓄᓇᓖᑦ ᓯᕗᓕᕐᑎᖓᓄᑦ ᐋᑦᑕᒥ ᐊᓓᑯᒧᑦ ᐊᒻᒪᓗ ᐃᓚᐅᑦᓱᑎᒃ ᖅᔾ ᐃᓄᐃᑦ ᐊᓕᐊᑦᓱᑎᒃ ᖁᕕᐊᓱᖃᑎᒌᑦᑐᑦ ᐃᓪᓗᓕᕆᓂᐅᑉ ᐅᓪᓗᖓᓂ. ᓄᓇᓕᓐᓂ ᐃᓪᓗᓕᕆᔨᒃᑯᑦ ᑲᒪᔨᒻᒪᕆᖓ ᒥᐊᔨ ᐊᓕᖁ, ᐃᓚᐅᔪᖅ ᐊᑯᓕᕕᐅᑉ ᐃᓪᓗᓕᕆᔨᖏᓐᓄᑦ ᑲᑎᒪᔨᓄᑦ ᐊᒻᒪᓗ ᑲᑎᕕᐅᑉ ᐃᓪᓗᓕᕆᓂᕐᓄᑦ ᐊᓪᓚᕕᒻᒪᕆᖓᑕ ᐱᒪᔨᖏᑦ ᓯᖁᒥᓯᒪᔪᕐᓂᐊᑎᖏᑦ ᐃᑲᔪᕐᑎᒌᑦᓯᐊᓱᑎᒃ ᐸᕐᓀᓂᓚᐅᔫᑦ ᑲᑎᒪᒍᑎᑦᓴᓂᒃ ᓱᖃᑦᓯᐅᑎᑦᓴᓂᓗ!

ᐃᓄᒃᔪᐊᖅ

150 ᓴᓂᐊᓃᑦᑐᑦ ᐃᓄᐃᑦ ᐁᓯᒪᓚᐅᔫᑦ ᖁᕕᐊᓱᖃᑎᒌᑦᑐᓄ ᓯᑉᑎᒻᐱᕆ 1ᖅ-ᒍᓚᐅᔫᒥ, ᐅᓪᓗᖁᑎᒋᔭᐅᓂᐊᕐᓯᒪᔫᑉ ᐁᑉᐹᓂ ᐃᓪᓗᓕᕆᓂᕐᓄᑦ ᐅᓪᓗᒧᑦ 2014-ᒥ. ᐊᒥᓱᑦ ᐃᑲᔪᕈᒪᓂᕐᒥᓄᑦ ᐃᑲᔪᕐᑐᑦ ᐊᓕᐊᓇᓚᐅᔫᑦ ᐊᒻᒪᓗ ᐃᑲᔪᕐᑎᒌᑦᓯᐊᓱᑎᒃ ᐊᑑᑎᔪᒥᒃ ᓱᖃᑦᓯᐅᑎᐅᑎᑕᐅᔪᑦ ᑲᔪᓯᑦᓯᐊᓂᖃᓚᕿᑎᓪᓗᒋᑦ.

ᐃᕗᔨᕕᒃ

ᐃᕗᔨᕕᒻᒥ ᐊᕐᓀᑦ ᑲᑎᒪᕕᖓᑕ ᐃᓪᓗᖁᑎᖓ ᐃᓇᖁᓇᕈᑎᑕᖃᓚᐅᔫᑦ ᑕᐅᑦᑐᓕᓐᓂᒃ ᐊᐅᐸᓓᖓᔪᓂᒃ, ᑐᖑᔪᕐᑕᓂᒃ, ᓄᓇᐅᔭᕐᓂᒃ ᐊᒻᒪᓗ ᖁᕐᓱᑕᓂᒃ ᐸᑦᑖᓗᐊᐱᓐᓂᒃ. ᐅᕕᒃᑫᑦ ᐊᒻᒪᓗ ᐃᓄᑐᙯᑦ ᐊᕿᐊᑦᑐᓱᑎᒃ ᓂᕆᖃᑎᒌᑦᓯᐊᓚᐅᔫᑦ ᐊᒻᒪᓗ ᖁᕕᐊᓲᑎᖃᕐᓱᑎᒃ ᑲᒪᒋᔭᐅᑦᓯᐊᓂᕐᒥᓂᒃ ᐃᓂᖃᕐᑎᑕᐅᑦᓯᐊᕈᑎᒥᓂᒃ ᐃᓱᐊᕐᑐᓂᒃ ᐊᒻᒪᓗ ᐃᓗᓯᕐᓱᓇᕐᑐᓂᒃ ᐊᕙᑎᒦᑦᑎᑕᐅᕙᓐᓂᒥᓂᒃ.

ᑲᖏᕐᓱᔪᐊᖅ

100 ᓴᓂᐊᓃᑦᑐ ᐃᓄᐃᑦ ᓯᓚᒥ ᖁᐊᓴᕐᕕᓕᐊᓚᐅᔫᑦ ᐃᓕᐅᕐᕐᑫᒋᐊᕐᑐᓱᑎᒃ ᓯᓚᒥ ᐃᒐᐅᑎᓂᒃ, ᒪᖏᑦᑕᓂᒃ ᐊᒻᒪᓗ ᓂᕿᓂᒃ ᐃᓚᒋᔭᐅᑎᓗᒋᑦ ᐃᓪᓗᓕᕆᓂᐅᑉ ᐅᓪᓗᖓᓄᑦ 2014-ᒥ. ᑌᒫᑦᓭᓇᖅ ᓄᓇᓕᓐᓂ 14-ᓂ ᑌᒣᖃᑦᑕᓚᐅᔪᒻᒪᑕ, ᐊᓕᐊᒋᔭᐅᖃᑦᑕᓚᐅᔫᑦ ᐃᓪᓗᓕᕆᔨᒃᑯᑦ ᐊᓪᓚᕕᒻᒪᕆᖓᑕ-ᐱᕙᓪᓕᐊᓂᐅᑉ ᐃᒡᒐᖁᑎᖏᑦ ᐊᑐᕐᑕᐅᓚᐅᔫᑦ ᐊᒥᓱᒻᒪᕆᓐᓄᑦ ᑮᓇᕐᓄᑦ ᐊᓕᐊᑦᑐᓄᑦ ᑲᖏᕐᓱᔪᐊᒥ ᓄᖑᑦᓴᐅᑎᒋᓚᐅᔫᑦ ᐃᒡᒉᑦ ᐱᐅᒋᔭᐅᒧᑦ…ᓚᐅᑯᓪᓕᑦ, ᐊᕐᕌᒎᓛᕐᑐᒥᓪᓕᑭᐊᖅ!

ᑲᖏᕐᓱᖅ

ᐊᓄᕆᔪᐊᓘᓚᐅᔪᒻᒪᑦ ᓯᑉᑎᒻᐱᕆ 10-ᒥ ᖁᕕᐊᓱᑦᑎᓯᓂᖅ ᓅᑕᐅᒋᐊᖃᓚᐅᔫᖅ 11-ᒧᑦ…ᑭᓯᐊᓂ ᐊᓕᐊᓇᓗᐊᙳᐊᓕᓚᐅᔪᒻᒥᔪᖅ! ᑲᑎᕕᐅᑉ ᐃᓪᓗᓕᕆᔨᖏᑦᑕ ᐊᓪᓚᕕᒻᒪᕆᖓᑕ ᐃᓚᒌᖁᑎᖏᑦ ᐊᓕᐊᓇᕐᑐᖁᑎᖃᓚᐅᔫᑦ ᓂᕆᖃᑎᒌᑦᓱᑎᒃ, ᐃᓕᓵᓪᓗ ᓴᐅᑦᔪᐃᑦ ᐃᓕᓴᕐᕕᒥ ᐸᕐᓀᓂᓯᒪᓚᐅᔫᑉ ᐃᑉᐱᒍᓱᑦᑎᓯᒋᐊᕐᓂᒧᑦ ᐱᓱᓐᓂᒥᒃ ᓄᕐᖃᑎᑕᐅᖁᔭᐅᓂᖓᓄᑦ ᓯᖁᑦᑎᕆᓂᐅᑉ ᐃᑖᕐᓂᐅᑉ ᐅᓪᓗᒥ ᑌᑲᓂᑦᓭᓇᖅ - ᐊᑦᔨᐅᖏᑦᑐᖑᐊᖅ ᐃᓱᒪᑖᕕᓂᖓ ᐃᓕᓴᕐᕕᑎᓐᓂ ᐱᐅᓯᑐᖃᖕᖑᑐᐃᓐᓇᕆᐊᖃᓛᓕᕐᒥᔪᖅ!

ᑰᒃᔪᐊᖅ

ᐱᖓᔪᒋᓕᕐᑕᖓᓂ ᐊᕐᕌᒍᒥ ᐊᕐᕌᒍᑕᒫᕐᓯᐅᑎᐅᓕᕐᑐᒥ, ᐃᓪᓗᓕᕆᓂᐅᑉ ᐅᓪᓗᖓ ᐊᑑᑎᓚᐅᔫᖅ ᑰᑦᔪᐊᑉ ᑲᑎᒪᕕᖓᓂ, ᐃᓱᕐᕆᓇᕐᑐᖅ ᑐᖕᖓᓇᕐᑐᖅ ᐃᓂᑦᓯᐊᖅ ᐊᓕᐊᓇᓚᐅᔪᒻᒪᑦ. ᑲᑎᕕᒃ ᐃᓗᓪᓕᕆᔨᒃᑯᑦ ᐊᓪᓚᕕᒻᒪᕆᖓᑕ ᑲᒪᔨᒻᒪᕆᖓ ᕗᐊᑦᓴᓐ ᕗᐊᕐᓀ, ᐃᓚᐅᓚᐅᔫᖅ 80-ᓄᑦ ᐃᓄᓐᓄᑦ ᑖᕙᓃᑦᑐᓄᑦ, ᓂᕐᑐᐃᓂᖃᓚᐅᔫᖅ ᐱᓇᓱᑦᑎᒥᓂᒃ ᐸᕐᓀᓂᑦᓯᐊᓯᒪᓐᓂᒪᑕ.

ᓴᓪᓗᐃᑦ

ᓯᑉᑎᒻᐱᕆ 10, 2014-ᒥ, ᓴᓪᓗᐃᑦ ᑲᑎᒪᕕᖓ ᑕᑕᓚᐅᔫᖅ ᐅᕕᒃᑲᓂᒃ ᐃᓄᒻᒪᕆᓐᓂᓗ ᑕᑯᓂᐊᕐᑐᓂᒃ ᑲᑎᒪᓂᒻᒪᕆᒻᒥᒃ ᑐᓴᕐᑎᓯᓂᕐᓄᑦ ᐱᕙᓪᓕᐊᓂᐅᑉ ᐱᓇᓱᒐᐅᑉ ᐱᒻᒪᕆᐅᑎᓗᒋᑦ ᐱᓚᕿᓯᒪᔭᖏᓐᓄᑦ ᐊᒻᒪᓗ ᑭᖑᓂᖓᒍᑦ ᓂᕆᖃᑎᒌᓯᑦᓱᑎᒃ. ᑲᑎᕕᐅᑉ ᐃᓪᓗᓕᕆᓂᕐᓄᑦ ᐊᓪᓚᕕᒻᒪᕆᖓᑕ ᐱᓇᓱᑦᑎᖏᑦ ᐊᕐᓕᐊᓕᓚᐅᔫᑦ ᓂᕆᒃᑫᓱᑎᒃ 350-ᓂᒃ ᐃᓚᐅᔪᓂᒃ ᑳᓕᕐᑐᓂᒃ!

ᑕᓯᐅᔭᖅ

ᓇᓗᓀᕐᑕᐅᓚᐅᔫᑦ ᑲᑎᔪᑦ 125-ᒍᒋᐊᖏᑦ ᑕᓯᐅᔭᕐᒥ ᐃᓪᓗᓕᕆᓂᐅᑉ ᐅᓪᓗᖓᓂ 2014-ᒥ. ᓯᑉᑎᒻᐱᕆᒥ ᓯᓚᓗᑲᑦᑕᓚᐅᔪᒻᒪᑦ ᐊᒻᒪᓗ ᐊᓄᕆᑲᑦᑕᓱᑎᒃ ᙯᕐᖁᔭᐅᓯᒪᔪᑦ ᐃᓪᓘᑉ ᐃᓗᐊᓂ ᐃᑎᕐᓯᒪᓚᐅᔫᑦ ᑲᑎᕕᐅᑉ ᐃᓗᓪᓕᕆᓂᕐᓄᑦ ᐊᓪᓚᕕᒻᒪᕆᖓᑕ ᓱᓇᓗᑳᖃᐅᑎᖓᓂ. ᐊᓕᐊᓇᓚᐅᔫᖅ, ᐱᓇᓱᑦᑏᑦ ᐸᕐᓀᓂᖃᑕᐅᓯᒪᓐᓂᒪᑕ ᕿᓚᓈᕐᓱᑎᒃ ᐊᒻᒪᓗ ᐱᐅᓭᓯᒪᑦᓱᑎᒃ ᑕᐅᑦᑐᖏᑦ ᐊᑦᔨᒌᖕᖏᑐᓂᒃ ᐸᑦᑖᓗᐊᐱᓐᓂᒃ ᓂᕕᙶᑎᕆᓯᒪᑦᓱᑎᒃ!

2014 Housing Day

ᐊᑯᓕᕕᒃ