-
12/11/21
To keep in touch with our latest news, please visit our Facebook page.
-
24/09/15
ᐱᕙᓪᓕᐊᓂᒃᑯᓂ ᐃᓚᒌᑦ ᐊᒥᓱᖕᖑᐸᓪᓕᐊᕗᑦ! ᐅᓪᓗᒥ ᐊᕐᖁᑎᓂ ᐱᓇᓱᑦᑎᑖᕐᖃᒥᕗᑦ ᒫᑦ ᐱᒋᐊᓯᒻᒥᔪᖅ ᐳᕕᕐᓂᑐᒥ. ᐊᕐᕌᒍᓕᒫᖅ ᐱᓇᓱᐊᓚᖓᔪᖅ.
-
31/08/15
ᐱᕙᓪᓕᐊᓂᕐᒥᒃ ᐱᓇᓱᑦᑏᑦ ᐊᓕᐊᓱᑉᐳᑦ ᓄᐃᑦᓯᒍᓐᓇᓯᒋᐊᒥᒃ ‘ᐱᕙᓪᓕᐊᓂᕐᒥᒃ ᑭᒡᒐᑐᕐᑎᓂᒃ.’ ᑖᓐᓇ ᓄᑖᒥᒃ ᐱᒋᐊᕐᑎᓯᒍᑎ ᐊᑐᕐᓗᒍ, ᑭᓇᑐᐃᓐᓇᖅ ᐱᔪᕆᐅᑎᓕᒃ ᐃᓅᓂᕐᒥᒃ ᐃᓂᓪᓚᖓᑦᓯᐊᑐᓂ ᐊᒻᒪᓗ ᐃᑉᐱᒋᐅᑎᑦᓯᐊᑐᓂ ᓯᓚᕐᖃᑎᒌᓂ ᑕᑯᑦᓴᕈᐃᒍᓐᓇᐳᖅ ᐅᐱᒍᓱᓐᒥᓂᒃ ᑕᒪᑐᒪ ᐱᓂᐊᕐᓂᑕᖓᓂᒃ ᐊᒻᒪᓗ ᐱᒋᐊᕐᑎᑕᐅᓯᒪᔪᓂᒃ ‘ᐱᕙᓪᓕᐊᓂᕐᒧᑦ ᑭᒡᒐᑐᕐᑎᕈᕐᓗᓂ’.
-
31/08/15
ᐊᐅᒡᒍᔅᑎᐅᓚᐅᕐᑐᒥ, ᐊᕐᖁᑎᓂ ᐱᓇᓱᑦᑎᕗᑦ Zig ᑕᓯᐅᔭᕐᒥᐅᓂᒃ ᐃᓅᓱᑦᑐᓂᒃ ᐃᓱᒪᒋᔭᒥᓂᒃ ᓄᐃᑖᑎᕆᑎᑦᓯᓚᐅᔪᔪᖅ ᐊᓕᐊᓇᕐᑐᕋᑕᕐᒥᒃ ᐊᓪᓚᒍᐊᓕᐅᑎᒍᑎᒥᒃ ᐊᑐᕐᑎᓯᑦᓱᓂ.
-
28/07/15
ᔪᓓᖑᓚᐅᕐᑐᒥ, ᐊᕐᖁᑎᓂ ᐱᓇᓱᑦᑎᕗᑦ Shatterstar ᐅᑎᓚᐅᔪᔪᖅ ᑲᖏᕐᓱᐊᓗᒃᔪᐊᒧᑦ ᑐᖓᓕᕆᓕᐅᑎᔪᒥᒃ ᑲᒪᓂᖃᕆᐊᕐᑐᓱᓂ ᐱᒍᑦᔨᒍᑎᒋᑦᓱᒍ ᐊᐅᑳᕆᑦ ᓯᖁᑦᑎᕆᓂᕐᒥᒃ ᐊᔭᐅᕐᑐᕈᑎᖓᓂᒃ.
-
10/07/15
ᐊᐅᒡᒍᔅᑎ 6-ᒥᒃ 9-ᒧᑦ, ᒥᖑᐊᕐᕆᑏᑦ, ᖃᓪᓗᓈᕐᑕᔭᕕᓃᑦ ᐊᒻᒪᓗ ᐲᔦᑏᑦ ᐃᓱᐊᖁᑕᐅᓚᐅᔪᔪᑦ ᐱᕙᓪᓕᐊᓂᖅ 2014-ᒥ ᓵᓚᓕᒻᒧᑦ, ᓂᑮᑕ ᐃᑦᑐᖅ.
-
10/07/15
ᐃᓪᓗᓕᕆᓂᐅᑉ ᐅᓪᓗᖓ, ᐱᒋᐊᕐᑎᑕᐅᓯᒪᔪᖅ KMHB-ᑯᓐᓄᑦ ᐊᒻᒪᓗ ᐱᕙᓪᓕᐊᓂᕐᒥᒃ ᐱᓂᐊᕐᓂᖃᕈᑎᖓᓄᑦ, ᓄᑖᖕᖑᐃᒋᐊᕐᓯᒪᓕᕐᒥᔪᖅ ᐃᓕᑕᕐᓇᐅᑎᒥᓂᒃ ᓯᑕᒪᓂᒃ ᐅᑭᐅᕐᑖᕈᑎᒥᓂ.
-
08/06/15
ᐊᕐᕌᒍᑕᒫᑦ, ᓄᓇᓕᓕᒫᑲᓭᑦ ᓄᓇᕕᒻᒥ (NV-ᑯᑦ ᑲᔪᓯᑎᑦᓯᑎᓪᓗᒋᑦ) ᐋᕐᕿᓱᐃᓲᖑᕗᑦ ‘ᓄᓇᓕᐅᑉ ᓴᓗᒻᒪᓴᕐᑕᐅᓂᖓᓄᑦ ᐱᓕᐅᑎᓂᕐᒥᒃ’ ᐊᔭᐅᕈᑎᒋᑦᓱᒍ ᐃᓄᐃᑦ ᓄᐊᑦᓯᓂᖓᓂᒃ ᓴᓂᕐᓂᒃ ᓄᓇᓕᐅᑉ ᐃᓗᐊᓂ. ᐊᑐᓂ ᐃᑉᐱᐊᔪᒻᒧᑦ ᓴᓂᕐᓄᑦ ᑕᑕᑦᑐᒧᑦ, ᑮᓇᐅᔭᖅ ᐋᑕᐅᓲᖅ ᐊᒻᒪᓗ ᓵᓚᖃᐅᑏᑦ ᓇᓚᐅᑦᓵᕈᑕᐅᒻᒥᓱᑎᒃ. ᓴᓂᑯᓂᖅ ᐊᒻᒪᓗ ᐊᕙᑎᒥᒃ ᐱᐅᓕᒪᑦᓯᓂᖅ ᐃᓱᒫᓗᒍᑎᑦᓴᐅᕗᑦ ᐊᑐᓂᓕᒫᖅ ᓄᓇᕕᒻᒥᐅᓄᑦ.
-
04/06/15
ᔫᓂ 4-ᒥ, ᐊᖓᔪᕐᖄᒪᕆᒃ KMHB-ᑯᓐᓄᑦ, ᐃᓚᖃᕐᓱᓂ ᑭᒡᒐᓂᒃ ᐱᕙᓪᓕᐊᓂᕐᒥᒃ ᐱᓇᓱᑦᑎᓄᑦ, ᓄᐊᓚᐅᔪᔪᑦ ᖁᕕᐊᓲᑎᖃᕆᐊᕐᑐᓱᑎᒃ ᓇᓄᖅ ᐊᕐᕕᑕᕐᓂᐅᑉ ᐊᓂᒍᕐᓂᖓᓂᒃ ᐊᒧᓯᑦᓱᑎᓪᓗ ᐃᓗᕐᖁᓯᕐᒧᐊᓕᖓᔪᓂᒃ ᐊᐅᓪᓚᕈᑎᑦᓴᓂᒃ ᒪᓐᑐᔨᐊᓪᒧᑦ ᐊᒻᒪᓗ ᑯᐯᒃ ᓯᑎᒧᑦ!
-
20/05/15
ᐊᕐᕌᒎᒃ ᒪᕐᕈᑕᒫᑦ, ᓄᓇᕕᒻᒥᐅᑦ ᐳᕕᕐᓂᑐᒥ ᑲᑎᓲᖑᕗᑦ ᐱᓇᓱᐊᕈᓯᓕᒫᒐᓚᒻᒥᒃ ᐱᐅᓯᑐᖃᕐᒥᒃ ᐊᐳᑎᒥ ᐱᖕᖑᐊᓂᒻᒪᕆᖃᕆᐊᕐᑐᓱᑎᒃ.
-
28/03/15
ᐃᖏᕐᕋᓯᒍᑕᐅᑎᑦᓱᒍ ᑐᖓᓕᐊᓄᑦ ᓯᖁᑦᑎᕆᓂᕐᒥᒃ ᐊᐅᑳᕆᑦ ᐊᔭᐅᕈᑕᐅᓂᖓᓄᑦ, ᐱᕙᓪᓕᐊᓂᐅᑉ ᐱᓇᓱᑦᑎᖏᑦ ᐱᖕᖑᐃᓚᐅᔪᔪᑦ ᑕᕐᓴᓕᔮᑦᓯᐊᑐᐹᓗᓐᓂᒃ ᐁᑭᑦᑐᓂᒃ ᐅᕕᓂᕈᕐᓂᒃ ᐊᑦᔨᖑᐊᖃᕐᑎᓗᒋᑦ ᓈᒻᒪᓈᕐᑐᕋᑕᕐᓂᒃ ᑕᑯᑦᓴᕈᐃᔪᓂᒃ ᐱᔪᕆᐅᑎᖃᕐᑐᓴᐅᓂᕗᓐᓂᒃ ᓇᒻᒥᓂᖅ ᐊᓂᕐᕋᑎᓐᓂᒃ.
-
19/02/15
ᐊᓯᑦᔨᑐᐃᓂᕐᒥᒃ ᐱᓇᓱᑦᑏᑦ ᐊᓕᐊᓲᑎᖃᓪᓗᑐᑦᓯᐊᐳᑦ ᐱᒃᑲᑐᖕᖏᓂᖓᓐᓂᒃ ᐊᔪᐃᓐᓇᒪᕆᑦᑐᑦ ᐊᒻᒪᓗ ᑲᑦᓱᙰᑦᑐᒪᕇᑦ ᐱᕙᓪᓕᐊᓂᕐᒥᒃ ᐱᓂᐊᕐᓂᖃᕈᑎᐅᑉ ᐱᓇᓱᑦᑎᖏᑦᑕ ᓄᓇᓕᓐᓂ.
-
19/06/14
ᐃᓚᐅᖃᑕᐅᑦᓯᐊᓕᕐᓂᒪᑕ ᓇᓄᒃ ᓱᖃᑦᓯᓗᑳᖏᓐᓂᑦ, ᐃᓕᓐᓂᐊᑏᑦ ᓄᓇᓕᓕᒫᓂᑦ ᕿᓚᓈᓯᔪᕕᓃᑦ ᓱᓇᓱᐊᒐᑦᓴᓕᕆᔨᐅᑉ ᔫᓭ ᓚᕕᐊᒃ ᐅᖃᓯᔭᕕᓂᖓᓂᒃ ᓇᓚᐅᑦᓵᑕᕕᓂᖓᑦᑕ ᒪᓐᑐᔨᐊᓕᐊᓛᕐᓂᕕᓂᖏᓐᓂᑦ ᑕᑯᓐᓇᐅᔮᒋᐊᕐᑐᑎᑕᖕᖑᐊᓚᖓᓯᔪᕕᓂᐅᒻᒪᑕ ᖄᑭᕐᑐᓂᑦ ᑲᓇᑎᐊᓐᑯᓐᓂᑦ. ᐅᐊᑦᓴᓐ ᕗᕐᓃ, ᑲᔪᓯᒃᑫᔨ ᑲᑎᕕᒃ ᐃᓪᓗᓕᕆᕐᔪᐊᑯᓄᑦ, ᐃᓚᒋᔭᐅᑦᓱᓂ ᔫᓭ ᓚᕕᐊᒃᒧᑦ, ᓇᓚᐅᑦᓵᑫᓯᔪᕕᓃᒃ ᒪᓐᓂᓕᐅᑦ 19-ᒥ 2:30-ᖕᖑᑎᓗᒍ ᐅᓪᓗᑯᑦ ᐱᓇᓱᑦᑎᓄᑦ ᐁᑉᐸᒋᔭᐅᑎᓪᓗᒋᑦ.
-
26/05/14
ᐳᕐᑐᓂᓖᑦ 5ᓂ 6ᓂᓪᓗ ᐃᓕᓐᓂᐊᑏᑦ ᖃᓪᓗᓈᑎᑐᑦ ᒍᐃᒍᐃᑎᑐᓪᓗ ᐃᓘᓐᓇᖏᓐᓂ ᓄᓇᕕᒻᒥ ᓄᓇᓕᓐᓂ ᐱᔭᕇᓚᐅᔪᕗᑦ ᓇᓄᖅ ᑲᑎᒪᓂᐊᕈᓯᕐᒥᒃ ᓂᕆᐅᓐᓂᑖᕐᓇᓯᐊᕐᓱᑎᒃ ᐃᓱᒪᑖᕐᓇᓯᐊᕐᓱᑎᓪᓗ.
-
28/04/14
ᑲᑎᕕᒃ ᓄᓇᓕᓕᒫᓂ ᐃᒡᓗᓕᕆᓂᕐᒧᑦ ᐊᒡᓚᕕᒻᒪᕆᖓ (ᑲᑎᕕᒃ ᐃᒡᓗᓕᕆᔨᒻᒪᕆᒃᑯᑦ) ᖃᐅᔨᓴᕈᑎᓂᒃ ᐊᑐᕐᑕᐅᑎᑦᓯᓚᐅᔪᕗᑦ ᒫᑦᔨᐅᓚᐅᔪᔪᒥ ᑐᑭᓯᓕᐅᒥᒍᑎᒋᒍᒪᑦᓱᒋᑦ ᖃᕆᑕᐅᔭᓂᒃ ᐃᓄᐃᑦ ᐊᑐᕐᓂᕆᓲᖏᑦ ᖃᓄᐃᓕᖓᕐᖂᒪᖔᑕ ᓄᓇᕕᒻᒥ. ᑭᐅᒍᑎᕕᓃᑦ ᓇᓚᐅᑦᓵᑎᑦᓯᒍᑎᐅᓚᐅᔪᕗᑦ ᐁᕆᓕ 28-ᖑᑎᓪᓗᒍ 11:00-ᖑᕐᑎᓗᒍ ᑲᑎᕕᒃ ᐃᒡᓗᓕᕆᔨᒻᒪᕆᒃᑯᑦ ᐱᓇᓱᑦᑎᖏᑦᑕ ᑐᒃᑯᐊᓂ ᑰᒃᔪᐊᒥ ᐊᒡᓚᕕᒻᒪᕆᒻᒥ.
-
05/03/14
ᐱᓇᓱᐊᕐᕕᐅᑉ ᐊᐅᓚᑕᖓ ᐱᕙᓪᓕᐊᓂᖅ ᑌᒣᒻᒪᑦ ᐃᓚᒋᔭᐅᓕᓪᓚᕆᑦᓯᒪᕗᖅ ᐱᓇᓱᐊᖃᑎᐅᓕᕐᓱᓂ FUSION JEUNESSE-ᑯᑦ \"ᑕᑯᓐᓇᐅᔮᕐᑎᓯᓂᕐᓂᒃ\" ᐱᓇᓱᐊᕐᑕᖓᓄᑦ, ᑖᓐᓇᓗ ᓄᓇᕕᒻᒥ ᐃᓅᓱᑦᑐᓂᒃ ᐃᓚᐅᓕᕐᑎᓯᒍᑎᐅᑦᓱᓂ ᑐᓴᕐᓂᔮᕈᑎᓄᑦ, ᐃᙯᓕᓴᕐᓂᓄᑦ ᐃᓕᕐᕈᓯᕐᒨᓕᖓᔪᓄᓪᓗ ᓱᖃᑦᓯᓂᕐᓄᑦ.
-
14/12/13
ᐃᑲᔪᕐᑎᒋᑦᓱᒋᑦ ᑲᑎᑦᑕᕕᐅᑉ ᐱᓇᓱᑦᑎᖏᑦ, ᑲᑎᕕᒃ ᓄᓇᓕᓕᒫᑦ ᐃᒡᓗᓕᕆᓂᕐᒧᑦ ᐊᒡᓚᕕᒻᒪᕆᖓ ᐊᒻᒪᓗ ᐱᕙᓪᓕᐊᓂᕐᒥᒃ ᐱᓇᓱᐊᕐᑐᑦ ᐅᐱᒋᔭᖃᕐᓱᑎᒃ ᓄᐃᑕᑎᑦᓯᓚᐅᔪᕗᑦ ᓯᕗᓪᓕᐹᑦᓯᐊᖑᑎᓪᓗᒍ ᑰᒃᔪᐊᒥ ᖁᕕᐊᓱᕝᕕᒥ ᑕᑯᓐᓇᐅᔮᕐᑎᓯᓂᕐᒥᒃ ᐊᓪᓕᖏᓱᖓᕐᑎᓗᒍ, ᑏᓯᒻᐱᕆ 14-ᖑᑎᓪᓗᒍ ᑲᑎᑦᑕᕕᒻᒥ.
-
05/12/13
2014-ᖑᑎᓪᓗᒍ, 15-ᒋᓕᕐᑕᖓᓂ ᓇᓪᓕᓂᐅᕐᓯᐅᓂᕐᒥᓂᒃ, ᐃᒡᓗᓕᕆᔨᒻᒪᕆᒃᑯᑦ ᑐᑭᑖᓚᐅᔪᕗᑦ ᓄᐃᑦᓯᓛᕆᐊᒥᒃ ᐊᑐᐊᒐᕐᓂᒃ ᐃᓄᓐᓂᒃ ᑐᓴᐅᒪᑎᑦᓯᒋᐊᓪᓚᕈᑎᑦᓴᒥᓂᒃ ᓱᓇᓂᒃ ᐱᓇᓱᐊᕆᐊᖃᓕᑦᓴᔭᖃᕐᒪᖔᕐᒥ ᑲᒪᒋᔭᖃᕆᐊᖃᕐᒪᖔᕐᒥᓗ.
-
04/12/13
ᑲᑎᕕᒃ ᐃᓪᓗᓕᕆᔨᕐᔪᐊᑯᑦ ᓇᓪᓕᐅᓂᕐᓯᐅᓂᖃᕐᒪᑕ ᐊᕐᕌᒍᓂᒃ 15ᓂᒃ. ᐊᒡᒍᑐᐃᓛᕐᓂᐊᑐᒍᑦ ᐅᓪᓗᖁᑎᓕᑦᑕᓕᓐᓂᒃ ᐊᑦᔨᖑᐊᖁᑎᓕᓐᓂᒃ ᑕᑯᒥᓇᕐᑐᖁᑎᑦᑕᖏᓐᓂᒃ ᓄᓇᕕᐅᑉ ᓲᕐᓗ ᓄᓇᒥᐅᔭᕐᓂᒃ ᐊᓪᓚᖑᐊᕐᓯᒪᔭᖏᑦᑕᓗ ᐃᕗᔨᕕᒻᒥᐅᑉ, ᑖᒧᓯ ᒪᖏᐅᑉ ᐱᓪᓗᒋᑦ ᖁᓕᓪᓗ ᓯᑕᒪᑦ ᓄᓇᓖᑦ ᐅᓪᓗᓂᑦ ᙯᔪᓂᒃ. 2014ᖑᓕᕐᐸᑦ ᐊᕐᕌᒍᖃᑦᓯᐊᓛᕐᐳᓯ !
-
19/11/13
ᓅᕕᒻᐱᕆᐅᓚᐅᔪᔪᒥ ᐃᓕᓐᓂᐊᑎᑕᐅᑎᓪᓗᒋᑦ, ᐄᕝ ᓚᕌᒃ, ᓄᓇᕐᔪᐊᓕᒫᒥ ᓯᐊᕐᕆᔭᐅᑎᑯᑖᒃᑲᓱᓂ ᐱᓕᐅᑎᔪᓂᒃ ᐱᓯᑎᐅᓂᕐᐸᐅᓚᐅᕐᓯᒪᔪᖅ, ᑰᒃᔪᐊᒧᑦ ᑎᑭᓚᐅᔪᕗᖅ ᐅᖃᐅᓯᖃᕆᐊᕐᑐᓱᓂ ᓴᐱᓕᕐᑌᓕᒪᓂᕐᒥᒃ ᐊᒻᒪᓗ ᑲᑦᓱᙰᑦᑑᒍᑎᐅᒍᓐᓇᑐᓂᒃ.
-
15/11/13
ᐃᓕᓐᓂᐊᑎᐅᑦᓱᓂ ᔮᓂᒻᒪᕆᒻᒥ, ᕿᑉ-ᖄᑉ-ᒥ ᑖᓂᓯᕐᑎᐅᓱᓂ, ᐊᒻᒪᓗ ᑰᒃᔪᐊᑉ ᓯᓂᑦᑕᕕᖓᑕ ᓂᕆᕕᖓᓂ ᓴᓂᕐᕚᔦᔨᐅᑦᓱᓂ, ᓵᓕ ᑯᐊᑕ ᓯᕗᓕᕐᑎᓴᔭᐅᕗᖅ ᑌᒣᒃᑯᐊᒥᓄᑦ.
-
16/07/13
ᐁᑉᐱᑐᓂ ᔫᓓ 16-ᒥ, ᐳᓖᓯᒃᑯᑦ ᑰᑦᔪᐊᒥ ᐱᓇᓱᖃᑎᒌᑦᓱᑎᒃ ᐃᑯᐊᓚᑎᑦᓯᑌᓕᔨᓐᓂᓗ ᐊᒻᒪᓗ ᑲᑎᕕᒃ ᐃᓪᓗᓕᕆᔨᕐᔪᐊᑯᓐᓂᓗ ᑐᑭᑖᖃᑎᒌᓚᐅᕐᑐᑦ ᐊᑦᑕᓈᕿᑦᑌᓕᕐᓂᒥ ᑐᑫᓚᒐᕐᑎᑯᑦ ᐅᓪᓗᖁᑎᖓᓂᒃ, ᐊᒥᓱᐃᑦ ᐅᕕᒐᕐᑐᐃᑦ ᑲᑎᖃᑎᒌᓚᕿᑦᓱᑎᒃ.
-
05/06/13
ᔫᓂ 5-ᒥ ᐃᓕᓐᓂᐊᕕᓕᒫᑦ ᐅᓪᓗᖁᑎᖃᓕᓚᐅᕐᖁᑦ ᐱᕙᓪᓕᐊᓂᖅ-ᑲᑎᕕᒃ ᐃᓪᓗᓕᕆᔨᕐᔪᐊᑯᓄᑦ. ᐱᕙᓪᓕᐊᓂᒃᑯᑦ ᐱᓇᓱᑦᑎᖏᓪᓗ, ᑕᒃᑲᓂ ᐅᓪᓗᖁᑎᖓᓂ ᐃᓚᒌᑦ ᐃᓕᑕᕆᔭᐅᒍᑎᓖᑦ ᐱᕙᓪᓕᐊᓂᒃᑯᑦ ᓇᓚᐅᑦᓵᒍᑎᕐᓂᑦ ᐊᕐᕌᒍᑕᒫᕐᓯᐅᑎᓂᑦ ᓇᓚᐅᑕᐅᓕᓚᐅᕐᑐᑦ.
-
15/08/12
ᐊᕐᐱᒃ ᔭᒻ 2012 ᑌᑦᓱᒪᓂ ᐱᐅᓯᕕᓂᑐᐃᓐᓇᐅᓕᕐᑐᖅ. ᖁᓕᓪᓗ ᓯᑕᒪᐅᔪᖏᒐᕐᑐᓂᓗ ᐊᕐᕌᒍᕐᓂ ᑲᔪᓯᒐᒥ, ᑰᑦᔪᐊᖅ ᖁᕕᐊᓲᑎᖃᓚᐅᕐᑐᖅ ᒥᑭᓕᕙᓪᓕᐊᑐᐃᓐᓇᓕᕐᑐᒥᒃ ᑐᓴᕐᓂᔭᕐᓂᒥᒃ - ᑕᕐᕋᒥᐅᓄᑦ ᑲᔪᓯᖁᔭᐅᓯᒪᒻᒪᑦ.
-
08/06/12
ᐃᓚᐅᓚᐅᕆᑦ ᐱᕙᓪᓕᐊᓂᖅ ᐱᓇᓱᖃᑎᒌᓄᑦ! ᑲᑎᕕᒃ ᐃᓪᓗᓕᕆᔨᕐᔪᐊᑯᑦ ᕿᓂᕐᐳᑦ ᑲᑦᓱᙰᑦᑐᓂᒃ ᐱᔪᑦᓴᐅᔮᕐᑐᓂᓗ ᐊᑕᔪᒥᒃ ᐱᓇᓱᒐᖃᕈᒪᔪᓂᒃ ᐱᕙᓪᓕᐊᓂᖅ ᑲᑐᑦᔨᖃᑎᒌᓂ.
-
08/06/12
ᔫᓂ 8-ᒥ, ᐃᓗᓐᓇᑎᒃ ᓄᓇᕕᒻᒥ ᓄᓇᓖᑦ ᓇᓪᓕᐅᓂᕐᓯᐅᓚᐅᕐᑐᑦ ᑲᑎᓂᖃᕐᓱᑎᒃ ᓄᓇᓕᒻᒥᓂ ᖁᕕᐊᓲᑎᖃᕐᓱᑎᒃ ᓯᕗᓪᓕᐹᒥ ᐱᕙᓪᓕᐊᓂᖅ - ᑲᑎᕕᒃ ᐃᓪᓗᓕᕆᔨᕐᔪᐊᑯᑦ ᐃᓪᓗᖃᕐᑎᑕᐅᓂᕐᒥ ᐅᐱᒍᓱᓐᓂᖅ ᐅᓪᓗᖁᑎᖓᓂ. ᐃᓘᓐᓇᑎᒃ, 87 ᐱᕙᓪᓕᐊᓂᕐᒥ ᐃᓕᑕᕆᔭᐅᓂᓖᑦ ᐃᓚᒌᑦ ᐱᖓᓲᔪᕐᑐᓂᒃ ᓄᓇᓕᓐᓂ (ᑰᒃᔪᐊᖅ, ᑲᖏᕐᓱᔪᐊᖅ, ᓴᓪᓗᐃᑦ, ᐳᕕᕐᓂᑐᖅ, ᐅᒥᐅᔭᖅ ᑰᒃᔪᐊᕌᐱᒻᒥᓗ) ᐃᓚᐅᒍᓐᓇᓚᐅᕐᑐᑦ ᐊᕐᕌᒍᑕᒫᑦ ᓇᓚᐅᑦᓵᑎᑦᓯᓂᕐᒥ. ᐃᓚᐅᔪᑦ ᐊᒥᓱᐃᑦ ᓵᓚᖃᐅᑎᑖᖃᑦᑕᓚᐅᕐᒥᔪᑦ.
-
11/02/11
ᓅᕕᒻᐱᕆ 2, 2011-ᒥ ᑲᑎᕕᒃ ᐃᓪᓗᓕᕆᔨᕐᔪᐊᑯᑦ ᑐᓴᕐᑎᓯᓚᐅᔪᔪᑦ ᐊᑐᓕᕐᑎᑕᐅᓯᓂᖓᓂᒃ ᐱᕙᓪᓕᐊᓂᖅ ᐱᔪᑦᓴᐅᔮᕐᑎᓯᓂᕐᒥᒃ ᐊᒻᒪᓗ ᓯᕗᓪᓕᐸᒥ ᑲᔪᓯᑎᑕᐅᒋᐊᕐᑐᒥᒃ, ᓯᖁᒥᓯᒪᔪᕐᓂᐊᓂᕐᒥ ᐱᓇᓱᖃᑎᒌᑦᑐᓂᒃ. ᑖᓐᓇ ᓄᐃᑕᐅᓯᒪᔪᖅ ᐃᑲᔪᕐᓯᒪᓚᖓᓗᓂ ᓄᓇᕕᒻᒥ ᐃᓚᒌᓂᒃ ᐋᕐᕿᓯᒪᑎᑦᓯᒐᓱᐊᕐᑎᓗᒋᑦ ᐊᓂᕐᕋᒥᓂᒃ ᐱᐅᒃᒍᑎᒥᓂᓪᓗ.