ᑐᓴᐅᒪᑎᑦᓯᓂᖅ
Facebookᑦ
Facebookᑦ
2012 Housing Day
ᑲᑐᑦᔨᓗᒍ, ᑖᓐᓇ ᐅᓪᓗᖅ ᓄᓇᕕᒻᒥ ᐱᐅᓯᑐᖃᖕᖑᑎᓚᐅᕐᓚᕗᑦ…ᐊᓇᕐᕋᕗᑦ ᑐᖕᖓᕕᐅᒻᒪᑕ ᑭᖕᖒᒪᒋᔭᑦᑎᓄᑦ ᐊᒻᒪᓗ ᐅᐃᒪᓇᕐᑐᖁᑎᑦᑎᓄᑦ!
_1363057898.jpg)
_1363057898.jpg)
ᓯᕗᓪᓕᐹᑦᓯᐊᓂᖅ ᐱᕙᓪᓕᐊᓂᖅ - ᑲᑎᕕᒃ ᐃᓪᓗᓕᕆᔨᕐᔪᐊᑯᑦ ᐃᓪᓗᖃᕐᑎᑕᐅᓂᕐᒥ ᐅᐱᒍᓱᓐᓂᐅᑉ ᐅᓪᓗᖁᑎᖓᓂ ᑲᔪᓯᓚᐅᔪᔪᖅ ᔫᓂ 8, 2012-ᒍᑎᓪᓗᒍ ᐊᓪᓚᕿᔪᙳᐊᕌᓘᑎᓪᓗᒍ ᓯᓚ. ᐱᖓᓲᔪᕐᑐᑦ ᐃᓚᐅᔪᐃᑦ ᓄᓇᓖᑦ - ᑰᑦᔪᐊᕌᐱᒃ, ᐅᒥᐅᔭᖅ, ᐳᕕᕐᓂᑐᖅ, ᓴᓪᓗᐃᑦ, ᑲᖏᕐᓱᔪᐊᖅ, ᑰᒃᔪᐊᓗ - ᓯᓚᒦᑦᑎᓯᓚᐅᕐᑐᑦ ᐊᓕᐊᙳᐊᑎᑦᓯᓱᑎᒃ ᐅᕕᒐᕐᑐᓂᑦ ᐃᓄᒻᒪᕆᓐᓄᑦ. ᑕᒪᓐᓇ ᓇᓪᓕᐅᓂᕐᓯᐅᓇᐅᓚᕐᑐᖅ ᐱᑦᓯᐊᑐᒻᒪᕆᐅᓚᐅᕐᑐᖅ ᐊᒻᒪᓗ ᐊᔪᐃᓐᓇᓂᖏᑦ ᐱᓇᓱᑦᓯᒪᓕᕐᑕᖏᓪᓗ ᐊᕙᑎ ᓯᑕᒪᑦ ᖁᓕᓪᓗ ᐃᓚᒌᑦ ᐱᕙᓪᓕᐊᓂᕐᒥᒃ ᐃᓕᑕᕆᔭᐅᒍᑎᖃᓕᕐᑐᑦ. ᐊᕙᑎᑲᓵᑦ ᐃᓕᑕᕆᔭᐅᒍᑎᓖᑦ ᐃᓚᒌᑦ ᓄᓇᕕᒻᒥᐅᑉ ᓵᓚᓐᓃᒍᑎᑖᖃᑦᑕᓚᐅᕐᑐᑦ ᐱᐅᔪᐊᓗᓐᓂᒃ.
2012-ᒥ ᓵᓚᖃᕐᓂᒪᖔᑕ ᓇᓇᐃᒃᑯᑕᐃᑦ
ᑰᒃᔪᐊᖅ
ᓯᕿᓂᒐᓚᒃ ᐃᓚᐅᓚᐅᕐᑐᖅ!
ᓯᕗᓪᓕᐹᑦᓯᐊᖅ ᐱᕙᓪᓕᐊᓂᖅ-ᑲᑎᕕᒃ ᐃᓪᓗᓕᕆᔨᕐᔪᐊᑯᑦ ᐃᓪᓗᖃᕐᑎᑕᐅᓂᕐᒥᒃ ᐅᐱᒍᓱᓐᓂᐅᑉ ᐅᓪᓗᖓ ᑰᑦᔪᐊᒥ ᑲᔪᓯᑎᑕᐅᓚᐅᕐᑐᖅ ᔫᓂ 8, 2012-ᒥ. ᓯᓚᑦᓯᐊᕌᐱᐅᑦᓱᓂ, ᓯᕿᓐᓂᓱᓂ. ᐊᕙᑎ ᑕᓪᓕᒪᑲᓵᑦ ᐃᓄᐃᑦ ᐃᓚᐅᓚᐅᕐᑐᑦ ᖁᕕᐊᓱᑦᑐᓂ. ᑕᒪᓐᓇ ᑲᑎᑎᑦᓯᓂᖅ ᐱᑦᓯᐊᑐᒻᒪᕆᐊᓘᓚᐅᕐᑐᖅ. ᓄᐃᑕᑎᑦᓯᓚᐅᕐᑐᖅ ᐊᔪᐃᓐᓇᑕᐅᓯᒪᔪᓂᒃ ᐱᔭᕆᔭᐅᓯᒪᔪᓂᓗ ᐱᕙᓪᓕᐊᓂᖅ-ᐃᓕᑕᕆᔭᐅᓂᓖᑦ ᐃᓚᒌᓂ. ᑰᑦᔪᐊᑉ ᐃᓚᒋᔭᐅᓪᓚᕆᓐᓂᖓ ᐱᕙᓪᓕᐊᓂᖅ ᐱᓇᓱᑦᑕᐅᔪᓂᒃ ᐁᑦᑐᑕᐅᓂᖃᓚᐅᕐᑐᑦ ᓵᓚᓐᓃᒍᑎᑦᓯᐊᕌᓗᓐᓂᒃ ᐊᕐᕌᒍᑕᒫᑦ ᓇᓚᐅᑦᓵᓂᕐᒥ: ᐱᒻᒪᕆᐅᓂᕐᐸᐅᑎᑕᐅᔪᖅ ᐃᓄᒃ ᒪᓐᑐᔨᐊᓪᓚᓕᐊᕈᑎᒥᒃ ᐃᑭᒍᑎᑖᕐᑐᖅ ᑕᑯᓈᔮᕆᐊᕐᑐᓱᓂ ᒪᓐᑐᔨᐊᓪ ᖄᑭᕐᑎᖏᓐᓂᒃ (ᐋᓂ ᐋᓐᓇᓈᒃ), ᖁᐊᒃᑯᕕᒃ (ᓯᐊᕆ ᐋᓐ-ᔫᓐᔅ), ᐃᕐᒥᐅᑎᒃ-ᐸᓂᕐᓯᐅᑎᒃ (ᒣ ᔪᐊᓇᓯ) ᐊᒻᒪᓗ ᖃᓐᑕ 500 (ᓲᓯ ᐊᕐᓇᑐᖅ).
ᑰᒃᔪᐊᕌᐱᒃ
ᑲᑎᒪᔪᖅ ᐊᓕᐊᙳᐊᓱᑎᒃ ᑰᑦᔪᐊᕌᐱᒻᒥ!
ᑰᑦᔪᐊᕌᐱᒻᒥ, ᐱᕙᓪᓕᐊᓂᕐᒥ ᐱᓇᓱᑦᑎ ᐸᑕᕆᓴ ᑯᔫ ᑲᑎᑎᑦᓯᓚᐅᕐᑐᖅᑦ ᐊᒥᓱᐊᓗᓐᓂᒃ ᐱᕙᓪᓕᐊᓂᖅ ᐃᓚᐅᔪᓂ ᖁᕕᐊᓲᑎᖃᕆᐊᕐᑐᓱᑎᒃ ᓯᕗᓪᓕᐹᒥ ᐱᕙᓪᓕᐊᓂᖅ-ᑲᑎᕕᒃ ᐃᓪᓗᓕᕆᔨᕐᔪᐊᑯᑦ ᐃᓪᓗᖃᕐᑎᑕᐅᓂᕐᒥᒃ ᐅᐱᒍᓱᓐᓂᐅᑉ ᐅᓪᓗᖓᓂ. ᓂᕿᑐᐃᓐᓇᑐᕐᑎᑕᐅᔪᑦ ᐊᒻᒪᓗ ᓱᖃᑦᓯᐅᑎᑦᓭᑦ ᐸᕐᓀᑕᐅᓯᒪᓚᐅᕐᑐᑦ ᑕᒪᑐᒧᖓ ᑲᑎᑎᑦᓯᓂᕐᒧᑦ. ᑲᑎᕕᒃ ᒥᓂᓯᐹᓚᑎᒃᑯᑦ ᐃᓪᓗᓕᕆᔨᒃᑯᖏᑦ ᐊᕐᕌᒍᑕᒫᕐᓯᐅᑎᒥᒃ ᓇᓚᐅᑦᓵᑫᓚᐅᕐᑐᑦ ᐃᓕᑕᕆᔭᐅᒍᑎᓕᓐᓄᑦ ᐃᓚᒌᓄᑦ. ᑰᑦᔪᐊᕌᐱᒻᒥᐅᖅ ᓘᓯ ᐊᖓᔪᑦᓯᖅ ᐸᓚᒥᖕ (2012) ᓇᓚᐅᑕᐅᓚᐅᕐᑐᖅ ᑕᕐᕿᓂ ᐱᖓᓲᔪᕐᑐᓂ ᐃᓪᓗᒥᒃ ᐊᑭᓖᓚᖓᒐᓂ! ᐅᐱᒍᓲᑦᔨᕗᒍᑦ ᐊᒥᓱᐊᓗᐃᑦ ᑯᑦᔪᐊᕌᐱᒻᒥᐅᑦ ᐃᓚᒌᑦ ᐱᕙᓪᓕᐊᓂᕐᒧᑦ ᐃᓕᑕᕆᔭᐅᒍᑎᖃᕐᒪᑕ, ᐃᓚᐅᑎᓪᓗᒋᑦ ᓕᓯ ᐊᒻᒪᓗ ᑭᓕᐊᓐ ᑲᓪᕙᓐ, ᓯᐊᔭ ᑯᑭ, ᑕᕙᓂ ᑐᑦᑐᖅ ᓇᓚᐅᑕᐅᓚᐅᕐᒪᑕ ᓇᓚᐅᑦᓵᑎᓪᓗᒋᑦ, ᐅᑯᓂᖓ 40-ᒥ ᐊᖏᓂᓕᒻᒥᒃ ᑕᓚᕖᓴᕐᒥᒃ, ᐱᙳᐊᕈᑎᒃ ᐊᒻᒪᓗ ᐊᑕᐅᓯᖅ ᑕᕐᕿᓕᒫᒥ ᐊᑭᑦᑐᐊᓯᔪᖅ ᐃᓪᓗᒥ.
ᐳᕕᕐᓂᑐᖅ
ᖃᐅᒪᔪᙳᐊᕌᓗᒃ ᐱᐅᓯᐅᒥᑎᑦᓯᑐᐃᓐᓇᑐᖅ ᐅᓪᓗᓯᐊᕌᓗᒻᒥᒃ!
ᐃᒃᑮᓇᕐᑑᓚᐅᕐᑐᖅ ᔫᓂᐅᑉ ᓯᓚᖓ ᖁᓅᒻᒥᑎᑦᓯᒐᓛᒐᓂ ᑲᒃᑲᓛᓂᒃ, ᐅᕕᒃᑲᓂᒃ, ᕿᑐᕐᖓᓕᓐᓂᒃ ᐃᓄᒻᒪᕆᓐᓂᓗ ᐃᓗᓐᓇᑎᒃ ᙯᓚᐅᕐᑐᑦ ᑕᓯᐅᔭᕐᔪᐊᑉ ᓯᑦᔭᖓᓄᑦ ᖁᕕᐊᓲᑎᖃᕆᐊᕐᑐᓱᑎᒃ ᓯᕗᓪᓕᐹᒥ ᐱᕙᓪᓕᐊᓂᖅ-ᑲᑎᕕᒃ ᐃᓪᓗᓕᕆᔨᕐᔪᐊᑯᑦ ᐃᓪᓗᖃᕐᑎᑕᐅᓂᕐᒥᒃ ᐅᐱᒍᓱᓐᓂᐅᑉ ᐅᓪᓗᖓᓂ. ᐃᓚᖏᑦ ᓄᓇᖂᔪᕐᒥᓃᑦᓱᑎᒃ ᖁᕕᐊᓱᖃᑕᐅᔪᑦ, ᐊᓯᖏᑦ ᖃᓐᑕᒃᑯᑦ ᑎᑭᑦᑎᓗᒋᑦ ᐊᒻᒪᓗ ᐃᓚᖏᑦ ᑐᑫᓛᒐᒃᑯᑦ. ᐳᕕᕐᓂᑐᕐᒥᐅᑦ ᒪᒪᕐᑐᑐᕈᒪᔪᓄᑦᑦ, ᐃᑯᐊᓚᑦᓯᓚᐅᕐᒥᔪᑦ ᒪᖑᑭᐅᓱᒪᖑᓗᓗᓕᐃᐅ-ᓂᒃ ᐆᑦᓯᒍᒪᔪᓄᑦ. ᐅᐱᒍᓲᑦᔨᕗᒍᑦ ᐊᒥᓱᐊᓗᐃᑦ ᐳᕕᕐᓂᑐᕐᒥᐅᑦ ᐃᓚᒌᑦ ᐱᕙᓪᓕᐊᓂᕐᒧᑦ ᐃᓕᑕᕆᔭᐅᒍᑎᖃᕐᒪᑕ, ᐃᓚᐅᑎᓪᓗᒋᑦ ᐊᑭᓱ ᐳᑐᒍᖅ; ᓕᓯ ᓭᕋᕐᓗ ᑐᑲᓛᒃ; ᑲᑦᓱᐊᖅ ᐊᓚᑯ, ᓕᓯ ᕿᓐᓄᐊᔪᐊᖅ ᐊᒻᒪᓗ ᐸᐅᓗᓯ ᖁᐊᕋᖅ ᓇᓚᐅᑕᐅᓚᐅᕐᒪᑕ ᓇᓚᐅᑦᓵᑎᓪᓗᒋᑦ, ᐅᑯᓂᖓ 40-ᒥ ᐊᖏᓂᓕᒻᒥᒃ ᑕᓚᕖᓴᕐᒥᒃ, ᐱᙳᐊᕈᑎᒃ ᐊᒻᒪᓗ ᐊᑕᐅᓯᖅ ᑕᕐᕿᓕᒫᒥ ᐊᑭᑦᑐᐊᓯᔪᖅ ᐃᓪᓗᒥ.
ᓴᓪᓗᐃᑦ
ᐊᒥᓱᐊᓗᐃᑦ ᐁᓚᐅᕐᑐᑦ!
ᑐᓴᕐᓂᔮᕐᑐᐃᑦ, ᐊᓕᐊᙳᐊᑐᑦ, ᐱᙳᐊᑐᑦ, ᓂᕿᑐᐃᓐᓇᑐᕐᑐᑦ, ᓵᓚᖃᐅᑎᒐᓵᓗᐃᓪᓗ - ᓱᓇᓕᒫᑦ ᐃᓂᓪᓚᓯᒪᑦᓯᐊᓚᐅᕐᑐᑦ ᑖᓐᓇ ᓯᕗᓪᓕᐹᖅ ᑲᑎᓂᖅ ᐱᑦᓯᐊᖁᑦᓱᒍ. ᐊᒥᓱᐊᓗᐃᑦ ᐊᑭᓕᕐᑕᐅᒐᑎᒃ ᐱᓇᓱᓚᐅᕐᑐᑦ ᐊᒻᒪᓗ ᐱᕙᓪᓕᐊᓂᖅ ᐱᓇᓱᖃᑎᒌᑦᑐᑦ ᑖᕙᓃᓚᐅᕐᒥᔪᑦ ᐊᑎᕐᓂᒃ ᓄᐊᑦᓯᓱᑎᒃ ᓄᓇᓕᓐᓃᑐᓂᒃ ᐃᓚᐅᒍᒪᔪᓄᑦ. ᐃᓚᐅᒋᐊᕐᕕᓵᓗᒃ! ᐅᐱᒍᓲᑦᔨᕗᒍᑦ ᐊᒥᓱᓂᒃ ᓴᓪᓗᒥᐅᓂᒃ ᐃᓚᒌᓂᒃ ᐱᕙᓪᓕᐊᓂᕐᒥ ᐃᓕᑕᕆᔭᐅᒍᑎᓕᓐᓂᒃ, ᐃᓚᐅᑎᓪᓗᒋᑦ ᔨᓂ ᓄᑲᕐᓯ ᐸᐱᑲᑦᑐᖅ, ᓲᓯ ᓴᑭᐊᒐᖅ ᐊᒻᒪᓗ ᑲᑦᓱᐊᖅ ᐊᓚᑯ ᑖᒃᑯᐊ ᓇᓚᐅᑕᐅᓚᐅᕐᒪᑕ ᓇᓚᐅᑦᓵᑎᓪᓗᒋᑦ, 40-ᒥ ᐊᖏᓂᓕᒻᒥᒃ ᑕᓚᕖᓴᕐᒥᒃ, ᐱᙳᐊᕈᑎᒃ ᐊᒻᒪᓗ ᐊᑕᐅᓯᖅ ᑕᕐᕿᓕᒫᒥ ᐊᑭᑦᑐᐊᓯᔪᖅ ᐃᓪᓗᒥ.
