ᑐᓴᐅᒪᑎᑦᓯᓂᖅ
Facebookᑦ
Facebookᑦ
ᐃᑖᕐᓂᖃᖕᖏᓚᐅᕐᑕ
ᓯᖁᑦᑎᕆᓂᕐᒥᒃ ᐊᐅᑳᕆᑦ ᑐᓴᕐᑎᓯᒋᐊᕈᑎᒃ ᐊᖏᔪᒻᒪᕆᐅᑦᓱᓂ ᑲᑎᑎᑦᓯᓂᐅᕗᖅ ᐊᕐᖁᑎᒥ ᐱᓇᓱᑦᑎᓂᒃ ᓄᓇᕕᒻᒥ ᓄᓇᓕᓐᓂᒃ ᐁᕕᖃᖃᑦᑕᓗᑎᒃ ᐃᑉᐱᒍᓱᓕᕐᑎᓯᒋᐊᕐᓗᑎᒃ ᐱᒋᐊᖃᑦᑕᓂᕐᓄᐊᖓᔪᓂᒃ ᐊᒻᒪᓗ ᐃᕐᓯᓇᕿᕕᖃᕐᓂᓄᐊᖓᔪᓂᒃ. ᑐᕌᒐᖓ ᐱᐅᓯᐅᒥᑎᑦᓯᒋᐊᕐᓂᖅ ᓇᔪᕐᑕᐅᓲᑦ ᐊᕙᑎᖏᓐᓂᒃ ᐊᒻᒪᓗ ᓄᕐᖃᑎᑦᓯᒋᐊᕐᓂᖅ ᓯᖁᑦᑎᕆᓂᕐᒥᒃ ᐃᑖᕐᓂᒥᒃ.
ᑐᖕᖓᕕᖃᖃᑦᑕᓛᕐᑐᑦ ᐅᕕᒃᑫᑦ ᑲᑎᒪᕕᖏᓐᓂᒃ ᐊᒻᒪᓗ ᐃᓕᓴᕐᕕᓂᒃ, ᐊᕐᖁᑎᒥ ᐱᓇᓱᑦᑏᑦ ᓄᓇᓂ ᐊᕐᕕᑕᕐᕕᒥᓂ ᐅᕕᒃᑫᑦ ᓇᔪᓲᖏᓐᓃᑎᓪᓗᒋᑦ ᑕᑯᒍᒪᖃᑦᑕᓛᕐᑐᑦ. ᑲᑎᒪᖃᑦᑕᓗᒋᓪᓗ, ᐋᕐᕿᐅᑎᑦᓴᑕᓕᓐᓂᒃ ᑲᑎᒪᓂᐊᕈᓯᖃᕐᑎᓯᖃᑦᑕᓗᑎᒃ ᓯᖁᑦᑎᕆᓂᕐᓄᐊᖓᔪᓂᒃ ᐃᓇᖁᓀᓪᓕᑎᕆᓂᕐᓄᐊᖓᔪᓂᒃ ᐊᓪᓚᕕᒋᑦᓱᒋᑦ ᐊᒻᒪᓗ ᐱᖁᑏᑦ ᓯᖁᑦᑎᓱᒋᑦ, ᓂᖕᖓᓂᕐᒥᓗ ᐊᐅᒡᒉᓯᒪᒋᐅᕐᓴᓂᕐᓄᑦ, ᐃᒻᒥᓂᒃ ᐊᓯᒥᓂᓗ ᓲᓱᑦᓴᕆᐊᖃᕐᓂᓄᑦ, ᐊᕙᑎᒧᑦ, ᐋᖓᔮᓐᓇᑐᓄᑦ, ᐃᒥᐊᓗᒻᒧᑦ ᐊᒻᒪᓗ ᑐᐹᑭᒧᑦ, ᐊᖓᔪᕐᖃᐅᓵᕐᓂᓄᓪᓗ ᐃᕐᓯᓇᕐᕕᖃᕐᓂᓄᑦ, ᐊᓯᖏᓐᓄᓗ.
ᑖᒃᑯᐊ ᑲᒪᒋᐊᕈᑏᑦ ᐋᕐᕿᓱᕐᓯᒪᓂᖃᕐᐳᑦ ᑲᔪᓯᑎᑦᓯᕙᓪᓕᐊᓂᕐᒥᒃ ᐊᒻᒪᓗ ᐃᓘᓐᓀᓂ ᓄᓇᕕᐅᑉ ᓄᓇᓕᖏᓐᓂ. ᐊᕐᖁᑎᒥ ᐱᓇᓱᑦᑏᑦ ᐊᑐᖃᑦᑕᓛᕐᑐᑦ ᑲᒪᒋᔭᖃᕆᐊᓯᓗᑎᒃ ᓇᓂᒋᐊᖃᑦᑕᓗᒋᑦ ᓯᕗᓕᕐᑎᐅᓲᑦ ᐅᕕᒃᑲᓂ ᑲᑎᒪᓲᖁᑎᒥᓂ ᑭᒡᒐᑐᕐᑎᐅᖃᑦᑕᓛᕐᑐᓂᒃ ᐊᒻᒪᓗ ᐃᓕᓐᓂᐊᑎᑕᐅᓗᑎᒃ ᖃᐅᔨᒪᒋᐊᓕᖏᓐᓂᒃ ᑲᔪᓯᑦᓯᐊᓛᖁᓇᕐᒪᑕ ᑲᒪᒋᔭᖃᕐᓃᑦ ᓄᓇᓕᒥᓂ.
ᓄᓇᓕᐅᓈᕐᑎᓱᒋᑦ, ᐱᓇᓱᐊᖃᑎᒌᑦ ᐃᖏᕐᕋᓯᑎᑦᓯᖃᑦᑕᓚᐅᔫᑦ ᐃᓕᖓᓪᓚᕆᑦᑐᓂᒃ ᐱᓇᓱᒐᕐᓂᒃ ᐃᓚᐅᑎᓪᓗᒋᑦ ᐋᕐᕿᓯᒪᔭᖏᑦ ᑲᑎᒪᓂᐊᕈᓰᑦ ᐃᕐᓯᓇᕿᕕᖃᕐᓂᓄᑦ ᓵᓚᖅᑳᖃᕐᓂᓄᑦ ᐊᒻᒪᓗ ᑕᑯᓐᓇᕋᑦᓴᓕᐅᕐᓂᓄᑦ ᓯᖁᑦᑎᕆᓂᕐᓄᐊᖓᔪᓂᒃ. ᑲᔪᓯᑎᑦᓯᖃᑦᑕᓚᐅᔪᒻᒥᔪᑦ ᐱᓕᐅᑎᓂᕐᓂᒃ ᐱᓇᓱᐊᕈᓯᖃᕐᑎᓯᑦᓱᑎᒃ ᓄᐃᑎᕆᒋᐊᕐᓂᓄᑦ ᐊᒻᒪᓗ ᑕᑯᒐᑦᓴᖑᕐᑎᓯᒋᐊᕐᓂᓄᑦ ᐅᕕᒃᑫᑦ ᐱᓯᑎᐅᒍᑎᖏᓐᓂᒃ.
ᓇᓄᖅ
ᐃᓕᓴᕐᕖᑦ ᐊᖓᔪᖅᑳᖏᑦᑕ ᐃᓕᓴᐃᔩᓪᓗ ᐃᓚᐅᒍᓐᓇᓂᖏᑦ
