ᑐᓴᐅᒪᑎᑦᓯᓂᖅ
Facebookᑦ
 
 

ᓯᖁᒥᓯᒪᔪᕐᓂᐊᓂᕐᒥ ᐱᓇᓱᖃᑎᒌᑦᑐᑦ

 
ᓄᑕᐅᓪᓕᑎᕆᓂᕐᓄᑦ ᐱᓇᓱᐊᖃᑎᒌᑦ ᐱᔪᑦᓴᐅᔮᕐᓱᑎᒃ ᐱᓇᓱᐊᖃᑎᒌᑉᐳᑦ ᑲᒪᔨᐅᑦᓱᑎᒃ ᐳᓚᕋᓲᒍᑦᓱᑎᒃ ᑲᑎᕕᒃ ᓄᓇᓕᓐᓂ ᐃᓪᓗᓕᕆᔨᒃᑯᑦ ᐊᓪᓚᕕᖓᑕ ᐊᑦᑕᑐᕐᑎᖏᓐᓄᑦ, ᐊᔪᖀᔨᒋᔭᐅᑦᓱᑎᒃ ᐊᑦᑕᓇᙱᐅᑎᖏᓐᓂᒃ ᐊᓇᕐᕋᖏᑦᑕ ᐊᒻᒪᓗ ᑦᑐᐃᓲᒍᑦᓱᑎᒃ ᐱᕙᓪᓕᐊᓂᖅ ᓇᓗᕐᓯᐅᑎᓂᒃ ᐃᓚᒌᑦ ᑲᑎᒪᓂᖏᑦᑕ ᑭᒡᒐᑐᕐᑕᐅᕕᖓᓄᑦ ᐃᓚᐅᒍᓐᓇᒪᖔᑕ.


ᐱᕙᓪᓕᐊᓂᖅ ᑲᒪᔨᖏᑦ ᑲᒪᒋᔭᖃᓲᑦ ᑲᑎᓯᒋᐊᖃᕐᓂᒥᒃ ᐃᓪᓗᓂᒃ ᐊᑦᑕᑐᕐᑎᓂᒃ ᐃᑉᐱᒍᓱᓕᕐᑎᒋᐊᕐᓱᑎᒋᑦ ᐱᒻᒪᕆᐅᓂᖏᓐᓂᒃ ᐊᓇᕐᕋᖏᑦᑕ ᐊᒻᒪᓗ ᓴᓂᖏᑦᑕ ᓱᒃᑯᑎᑕᐅᑦᓕᒋᐊᖃᕐᓂᖏᓐᓄᑦ ᐃᓅᒍᑎᒋᒍᓐᓇᑕᖏᓐᓂᒃ ᐊᓕᐊᓇᕐᑐᒦᓪᓗᑎᒃ, ᐊᑦᑕᓇᙱᑐᒦᓪᓗᑎᒃ.

ᐃᓕᑕᕆᔭᐅᓂᕐᒥᓄᑦ ᐱᒐᓱᐊᑦᓯᐊᓂᖏᓐᓄᑦ, ᐃᓘᓐᓇᑎᒃ ᐃᓚᒌᑦ ᐊᑭᖃᙱᑐᓂᒃ ᐱᒪᓂᕐᓄᐊᖓᔪᓂᒃ ᓇᓗᒃᑯᑕᕐᑖᑕᐅᓲᑦ ᐊᒻᒪᓗ ᓄᓇᒥᒃ ᓱᒃᑯᑎᕆᒍᓐᓇᖏᑦᑐᓂᒃ ᓴᓗᒻᒪᒍᑎᑖᕐᓱᑎᒃ.* ᐃᓚᒌᑦ ᐊᑑᑎᑎᑦᓯᔪᑦ ᐱᐅᔪᓂᒃ ᑲᒪᑦᓯᐊᕈᓯᓂᒃ ᓇᓗᕐᑕᐅᒪᔪᓂᒃ ᓇᓗᒃᑯᑕᕐᓂ ᐳᓛᕆᐊᕐᑕᐅᓯᒪᓕᕐᓱᑎᒃ ᒪᕐᕈᕕᑦᑕᐅᓱᑎᒃ ᐱᕙᓪᓕᐊᓂᐅᑉ ᓇᓗᕐᑕᐅᒍᑎᖏᓐᓂᒃ ᑦᑐᑕᐅᓲᑦ, ᐊᕐᕌᒍᑕᒫᑦ ᓄᑕᐅᓪᓕᑕᐅᒍᓐᓇᑐᓂᒃ, ᐃᓚᖃᕐᑎᓗᒋᑦ ᑕᑯᒥᓇᕐᑐᓂᒃ ᐃᕐᕐᑎᑦᓯᐅᑎᓂᒃ.

ᐱᕙᓪᓕᐊᓂᖅ ᓇᓗᕐᓯᐅᑎᖏᑦᑕ ᑕᑯᒐᑦᓴᓕᐊᕆᓯᒪᔭᖏᑦ, ᐊᕐᕌᒍᑕᒫᑦ ᐊᓯᑦᔨᔭᐅᓲᑦ, ᐊᑑᑎᖃᕐᐳᑦ ᐃᓕᑕᕐᓯᔭᐅᒍᑎᐅᑦᓱᑎᒃ ᐃᓪᓗᓂᑦᓴᓯᐊᕈᑎᓂᒃ ᐊᒻᒪᓗ ᑕᑯᒥᓇᕐᑎᓯᐅᑎᖏᑦᑕ ᐊᓇᕐᕋᒥᓂᒃ ᐱᑦᓯᐊᕋᓱᐊᕐᓯᒪᓂᖏᓐᓄᑦ. ᓇᓗᓀᕐᑕᐅᓯᒪᔪᑦ ᐃᓚᒌᑦ ᐁᑦᑐᑕᐅᕙᑦᑐᑦ ᐊᒥᓱᐃᓂᒃ ᐊᕐᕌᒍᓂ ᑕᒪᑐᒪᐅᑉ ᐃᖏᕐᕋᓂᕆᓕᕐᑕᖓᓂ: ᖁᐊᕐᑐᕕᒃ 2012-ᒥ, ᐅᓗᒃ 2013-ᒥ, ᕿᐲᒃ 2014-ᒥ ᐊᒻᒪᓗ ᑐᖕᖓᓱᒌᓚᔪᕐᑕᓕᒻᒥᒃ ᑲᑕᒻᒥ ᑐᒻᒥᕋᕐᒥᒃ 2015-ᒥ. ᐃᓚᒌᑦ ᐁᑦᑐᑕᐅᓯᒪᔪᑦ ᓇᓗᓀᕐᑕᐅᒍᑎᓂᒃ 2016-ᒥ ᐁᑦᑐᑕᐅᓛᕐᒥᔪᑦ ᐱᐅᔪᒻᒪᕆᓐᓂᒃ ᒪᕐᕈᐃᓂᒃ ᑖᓗᑖᓐᓂᒃ ᐊᒻᒪᓗ ᑖᓗᑕᐅᑉ ᐃᓕᒪᕕᖏᓐᓂᒃ.

ᐃᓚᐅᒻᒥᔪᑦ, ᐃᓘᓐᓇᑎᒃ ᓇᓗᕐᑕᐅᔪᑦ ᐃᓚᒌᑦ ᐊᑭᓕᕐᑐᐃᓯᐊᕐᑐᑦ ᐊᑦᑕᑐᕐᓂᒧᑦ ᐃᓪᓗᓂᒃ ᐊᕐᕌᒍᓕᒫᒥ ᑐᓐᓇᑐᑎᒍᑦ ᐱᑎᑕᐅᒍᓐᓇᓲᒍᒻᒥᔪᑦ ᓄᓇᓕᓐᓂ ᐊᒻᒪᓗ ᓄᓇᓕᓕᒫᓂ ᐊᖏᔪᕐᓚᓂᒃ ᓇᓚᐅᑦᓵᖃᑕᐅᒍᓐᓇᐅᑎᓂᒃ ᐊᕐᕌᒍᑕᒫᑦ ᓇᓚᐅᑦᓵᑎᑦᓯᑎᓪᓗᒋᑦ ᐱᕙᓪᓕᐊᓂᖅ-ᐃᓪᓗᓕᕆᔨᒃᑯᑦ ᐊᓪᓚᕕᒻᒪᕆᖓᑕ ᐃᓪᓗᓕᕆᓂᕐᓄᑦ ᐅᓪᓗᖁᑎᖓᓂ. ᓄᓇᓕᓕᒫᓂ ᓵᓚᖃᐅᑏᑦ ᐃᓚᖃᓲᑦ ᐃᓗᐃᒃᑲᓂᒃ ᐃᓪᓘᑉ ᐱᐅᓕᓂᐊᒐᖏᓐᓂᒃ ᐊᒻᒪᓗ ᐃᓪᓘᑉ ᐃᓗᐊᓂᒃ ᐃᓕᓐᓇᑎᕆᔨᒧᑦ ᑭᒡᒐᑐᕐᑕᐅᓱᑎᒃ, $15,000-ᓂᒃ ᐊᑭᓕᑦᓴᑦ ᑖᒃᑯᐊ, ᐊᕐᕌᒍᓕᒫᒥᓪᓗ ᐊᑭᖃᙱᑐᓂᒃ ᓂᕿᑖᕈᓐᓇᓯᑦᓱᑎᒃ ᐊᒻᒪᓗ ᑕᕐᕿᓂ ᐱᖓᓲᔪᕐᑐᓂ ᐃᓪᓗᒥᒃ ᐊᑭᓕᕐᑐᐃᒋᐊᖃᙱᐅᑎᒥᒃ.

*ᐊᓇᕐᕋᒥ ᓴᓗᒻᒪᒍᑏᑦ ᐊᑐᕐᑕᐅᒋᐊᖃᓲᑦ ᐊᓇᕐᕋᒥ ᐊᒻᒪᓗ ᓈᒻᒪᑐᑎᒍᑦ ᐊᑐᕐᑕᐅᓯᐊᕐᓂᖃᕐᓗᑎᒃ.

 
ᓇᓄᖅ
 
ᐃᑖᕐᓂᖃᖕᖏᓚᐅᕐᑕ
 
ᐃᓕᓴᕐᕖᑦ ᐊᖓᔪᖅᑳᖏᑦᑕ ᐃᓕᓴᐃᔩᓪᓗ ᐃᓚᐅᒍᓐᓇᓂᖏᑦ